1.- O Concello de Cambre convoca o DÉCIMO NOVENO CERTAME DE PINTURA "CONCELLO DE CAMBRE", dotado con 6.000 euros para o primeiro premio, 2.404 euros para o segundo e dous accésit.
O Concello de Cambre solicitará a exención do IRPF para os premios de contido económico, é dicir, o primeiro e segundo, de acordo co establecido no artigo 3 da Lei 18/1991, de 6 de xuño, do imposto da renda das persoas físicas. No caso de que tal exención non se conceda, se practicarán as correspondentes retencións deste imposto sobre as cantidades percibidas.

2.- Poderán concorre-los artistas de nacionalidade española e estranxeira residentes en España, que así o acrediten, cun máximo de dúas obras. Non poderán acceder ó primeiro e segundo premio aqueles artistas que xa fosen galardoados con estas distincións en anteriores edicións.

3.- Especificaciones:

3.1.- As dimensións serán: máximo de 150x150cm. e mínimo de 90x90cm. As obras que se presenten haberán de ser únicas e orixinais. Faranse sobre calquera tipo de material a excepción do vidro, con tema e técnica libre e enmarcadas cun listón.
3.2.- No dorso de cada obra deberán figurar: o título, medidas, prezo de venda ó público, nome e apelidos do autor e pseudónimo se o ten.
3.3.- Achegarán: fotocopia do DNI ou tarxeta de residente, breve "curriculum vitae" do autor, domicilio ou enderezo que o sustitúa, número de teléfono e unha foto a cores de cada cadro presentado. Esta documentación pasará a formar parte do Patrimonio do Concello de Cambre.

4.- A recepción das obras será durante o mes de setembro en horario de oficina, de 9 a 14 horas os días laborais e sábados de 9 a 13 horas. Remesarán ó Concello de Cambre, Atrio, n1 1, 15.660 CAMBRE (A Coruña). Teléfonos (981) 613.128-613.187.

5.- O xurado, unha vez reunido, comunicará en rolda de prensa, os premios acadados, e tamén as obras seleccionadas. A composición do xurado coñecerase dous días antes do dictame, reservándose o dereito a declarar algún premio deserto, se o estimase oportuno. O veredicto do xurado será inapelable.

6.- A entrega de premios terá lugar o día 29 de novembro, ás 20´30 horas, na Sala de Exposicións da Biblioteca Municipal de Cambre, quedando as obras seleccionadas expostas dende ese día ata o 30 de decembro.

7.- Realizarase un catálogo no que se incluirán as fotografías das
obras seleccionadas. Así mesmo, os autores das obras seleccionadas autorizan ó Concello de Cambre, cedéndolle os dereitos correspondentes de xeito exclusivo, a dispoñer da reproducción fotográfica das mesmas, a fin de que este as incorpore á páxina web municipal, para os efectos da súa transmisión vía INTERNET.
O Concello compormétese a incorporar, xunto á reprodución da obra, o nome e apelidos do seu autor.

8.- A obra correspondente ó primeiro e segundo premio, pasará a formar parte do Patrimonio Cultural do Concello.

9.- O Comité Organizador porá o meirande coidado no trato das obras, pero sen se responsabilizar dos danos que accidentalmente puidesen ocorrer.

10.- As obras non seleccionadas se poderán retirar durante o mes de novembro na Casa do Concello, en horario de oficina. Os autores seleccionados dispoñerán do mes de xaneiro de 2003 para retira-las obras. Transcorrido este período, non terán dereito a ningunha reclamación e pasarán a ser propiedade do Concello de Cambre.

11.- As obras recibidas mediante transporte de mercadorías ou correos, devolveranse ós seus autores pola axencia de transporte que este Concello considere oportuno, a non ser que as retiren persoalmente ou por persoa autorizada. Os gastos do traslado serán por conta dos participantes.

12.- O feito de participar neste certame presupón a aceptación das presentes bases.