Como preámbulo da festa do sábado, a Casa da Xuventude acollerá mañá, xoves 31 de outubro, a súa particular celebración con xogos e música.

 

O Concello de Cambre prepárase para o seu Samaín Celta, que se celebrará este sábado, 2 de novembro, no parque Ramón Barba do Temple. Esta festa está dirixida a todos os públicos e, particularmente, aos nenos e nenas do municipio. Así, por medio desta celebración búscase que os nenos e nenas descubran a historia e as tradicións en torno ao Samaín.

 

Cartel Samaín Celta 2019

Cartel Samaín Celta 2019

 

A xornada arrincará ás 17.00 horas co obradoiro-concurso de cabazas, no que se entregarán premios aos pequenos e pequenas que elaboren a peza máis enxeñosa. Así mesmo, a partir das 17.00 horas, comezarán os xogos populares infantís, nos que haberá monitores que se encargarán de organizar concursos e competicións.

O Samaín contará tamén cun magosto con castañas para todas as persoas asistentes –entre as 21.00 e as 22.30 horas-. A xornada pecharase cun concerto a cargo de Suso Vaamonde e Xosé Lois Romero, que encandearán ao público co seu espectáculo sobre os instrumentos tradicionais galegos. A actuación musical arrincará ás 22.30 horas.

Tarde de Samaín na Casa da Xuventude

A Casa da Xuventude de Cambre acollerá tamén a súa particular celebración do Samaín. Neste caso, o evento levará a cabo mañá, xoves 31 de outubro, entre as 17.00 e as 20.00 horas. A instalación dispoñerá dunha zona de maquillaxe terrorífica para a ocasión e, ao longo da tarde, haberá xogos e música.

 

Fiesta Samaín Casa da Xuventude

Festa Samaín Casa da Xuventude