A conelleira de Cultura, Mónica Varela, valora a implicación dos veciños e veciñas “para manter viva unha das celebracións con máis historia no municipio”.
A crise da covid-19 inspirou algúns dos disfraces dos premiados. Así, non faltaron chiscadelas á vacinación, ao persoal sanitario ou a algunhas das restricións sanitarias.

A creatividade e a orixinalidade estiveron moi presentes no concurso de disfraces telemático do Concello de Cambre. A concelleira de Cultura, Mónica Varela, valora a participación e implicación dos veciños e veciñas “para manter viva unha das celebración con máis historia no municipio como é o Entroido Pequeno Máis Grande do Mundo”. Varela explica que, con esta proposta, “buscouse evitar o risco de contaxio pola covid-19, ofrecendo á veciñanza unha opción segura para todos e todas e que evitase, ademais, que esta tradición esmorecera”.

A covid-19 inspirou algúns das propostas gañadoras. Tanto é así, que non faltaron as alusións e chiscadelas ao persoal sanitario, á vacinación e mesmo ás restricións sanitarias para frear a expansión do virus. A relación de premiados e premiadas é a que, a continuación, se indica:

Categoría infantil:

  • 1º Premio: Antón, o mariscador

‘Antón o mariscador’

  • 2º Premio: Vacinando pola vila

‘Vacinando pola vila’

  • 3º Premio: O pequeno Armstrong galego

‘O pequeno Amstrong galego’

Categoría adultos:

  • 1º Premio: A boneca monicreque

‘A boneca monicreque’

  • 2º Premio: A Catalina

‘A Catalina’

  • 3º Premio: A avoa máis rockeira

‘A avoa máis rockeira’

Categoría conviventes:

  • 1º Premio: A meiga do pantano de Cecebre

‘A meiga do pantano de Cecebre’

  • 2º Premio: A horta en pé de guerra

‘A horta en pé de guerra’

  • 3º Premio: Familia circense

‘Familia circense’

O xurado, que estivo composto pola vocalista do grupo Black, Iria Mejuto, polo muralista, Yoseba MP e pola ceramista por Laura Delgado, valorou os seguintes criterios:

  • Orixinalidade, estética, creatividade e traballo na elaboración dos disfraces.
  • A conservación do Entroido tradicional.
  • Valorouse a presentación das propostas.
  • Tívose en conta o uso de materiais reciclados na elaboración dos disfraces.
  • O uso do galego, tanto oral como escrito, en caso de ser necesario o uso da palabra.